Yangiliklar

"Kichik va o’rta biznes korxonalariga nisbatan soliq qonunchiligi" mavzusidagi seminar

Nashr qilingan: 30 Noyabr 2016

2016 yilning 29-noyabr kuni, O'zbekiston Respublikasi Savdo-sanoat Palatasi tasdiqlagan ko’rgazmali seminarlar tashkillashtirish jadvaliga asosan, Qashqadaryo SSP qoshidagi O'quv Markazi tomonidan “Kichik va o’rta biznes korxonalariga nisbatan soliq qonunchiligi" mavzusida seminar mustaqil ravishda tashkillashtirildi va o’tkazildi.

 

Ushbu seminarda to'qimachilik sanoati, innovatsion texnologiyalar, qurilish, fermer xo’jaliklari, savdo, xizmat ko’rsatish (tipografiya, foto va xokazo), transport logistikasi faoliyatlari vakillari, shuningdek, Qashqadaryo viloyati SSP boshqaruv xodimlari, jami 22 nafar (shu jumladan 8 ayol) ishtirokchi qatnashdi.

 

Seminar davomida D.Amirkulova (O’quv Markazi treneri), A.Saidov (Soliq boshqarmasi boshlig’i) va E.Yusupov (SSP yuridik boshqarmasi boshlig’i) tomonidan tinglovchilarga 05.10.2016 yildagi “Tadbirkorlik faoliyatining jadal rivojlanishini ta’minlashga, xususiy mulkni har tomonlama himoya qilishga va ishbilarmonlik muhitini sifat jihatidan yahshilashga doir qo’shimcha chora-tadbirlar to’g’risidagi” 4848-sonli Prezident Farmoyishi, kichik korxonalardagi soliqqa tortish tizimi va ayniqsa, O’zbekistondagi kichik biznes va xususiy tadbirkorlik korxonalari uchun berilgan soliq imtiyozlari va afzalliklari haqida batafsil ma’lumotlar berildi.

 

Xususan, 2017 yil 1-yanvardan boshlab tadbirkorlik subyektlarini barcha turdagi rejadan tashqari tekshirishlar, qarama-qarshi tekshirishlarning bekor qilinishi, xorijiy sarmoya kiritilgan korxonalariga tashkil topganidan boshlab 5 yil davomida soliq imtiyozlari berish, eksport shartnomalarini ro’yxatga olishni bekor qilish va boshqalar to’g’risida alohida ta’kidlab o’tildi.

 

Ma’ruza qilganlar tomonidan, tadbirkorlik subyektlariga huquqiy madad berish, qonunchilikning meyor va talablarini amalda qo’llash, tadbirkorlik subyektlarining haq-huquqi va qonuniy manfaatlariga amal qilish ushbu hujjat orqali amalga oshirilganligi ta’kidlandi.     

 

Ushbu seminar multimedia vositalaridan foydalangan holda va interaktiv suhbat ko’rinishida o’tkazildi va unda tinglovchilar turli xildagi tadbirkorlik faoliyatlarini amalga oshirishlari davomidagi tadbirkorlik subyektlari uchun soliq imtiyozlari haqidagi savollariga batafsil javoblar oldilar.


So'ngi yangiliklar
Loyihaning so’nggi yangiliklari bilan tanishishingizni taklif etamiz. Barcha yangiliklar bu yerda
31 Jul
Проект МТР объявляет о продлении приёма заявок

Проект МТР объявляет о продлении приёма заявок на участие в деловых стажировках в ЕС.

31 Iyul 2017 | Davomini o'qish
12 Jul
Viloyatlarga safat yakuni

MTP loyihaning mutaxassislari viloyat safarlarini Samarqand va Namanganga tashrif bilan yakunladilar.

12 Iyul 2017 | Davomini o'qish
28 Jun
MTP Loyiha Vakillari O'zbekistan Viloyatlariga Safar Uyushtirdilar

МТР лойиҳасининг 2-фазаси доирасида 2-таркиб ходимлари Янис Зервас ва Фарход Жаббаров вилоятларга сафар амалга оширдилар.

28 Iyun 2017 | Davomini o'qish
27 Jun
2017-2018 yillarda Yevropa Ittifoqi kompaniyalarda amaliyot uchun arizalar qabul qilish boshlandi

MTP Loyihasi tomonidan kichik va o’rta biznes korxonalari menedjerlari uchun mo’ljallangan, YI kompaniyalarida malaka oshirish bo’yicha murojaatnomalar qabuli boshlandi.

27 Iyun 2017 | Davomini o'qish